數年前，馬龍被迫減產，原因是政治漫畫的地盤不斷收縮。他說政治漫畫以諷刺為主，當權者不會喜歡，「唔係我主動，係少咗地盤，以前每份報紙都有，大家都關心香港前途，六四前後係畫唔切，啲job（工作）要推，唔會冇機會發表，家有評論版嘅報紙都冇乜邊幾張。」
「一定係諷刺當權者」
馬龍83年開始畫政治漫畫，越畫越多，89民運是高峯，至97前不斷減少，「回歸仲有幾年，啲人走得就走，唔走得嘅都不如做鴕鳥，唔再睇政治，政治評論版都越嚟越少。」
他說，政治漫畫以諷刺及批判為主，難以迎合主事者口味，「咁你唔會諷刺個冇權嘅人，一定係諷刺當權者，佢點會鍾意？你估《文匯》、《大公》唔想有符合佢哋嘅政治漫畫咩？但係漫畫家好抵死，唔可以奉命創作，夾硬畫都畫唔到。」
馬龍創作那麼多年，有沒有試過受壓？馬龍答道：「壓力冇人畀過我，冇人蠢到話唔畀你畫乜畫乜，不如改版一了百了，又唔係有合約，忽然改版，咁你就明。」
即使如此，他仍沒有放棄機會，不時繪畫民運T恤，「我哋要做，盡量去做，唔需要諗，名人有名人努力去做，歷史應該留低，冇理由淡化。」