鄭文雅昨日到銅鑼灣時代廣場出席「5.12四川地震回顧圖片展」，她說：「睇番啲相真係好震撼，上年大地震時我咁啱身在雲南，主要去影相，當時都有感受到震盪，我同成班朋友住嘅地方係全木做，夜晚感受到地下有陣陣巨響好似恐怖片咁，到第二日下晝坐馬車入村，架車又左搖右擺，嗰時我哋只係覺得山路唔平好正常，因為條村都冇電視，所以都未知道發生地震，玩咗成個禮拜動身返香港，到接近城市先知原來發生咁嚴重嘅天災，心情都down咗好耐。」
怕再到處影
鄭文雅續說：「朋友都知我鍾意拎住相機周圍影，之後曹眾有提議叫我去寧波影相，但係經過呢次地震我都冇乜mood，所以有兩種人我真係好佩服，一係戰地記者，另外就係攀登喜瑪拉雅山嘅人，佢哋真係唔顧生命安全去做自己想做嘅嘢。」
採訪、攝影：LawWaiMan