許冠英同柳影虹噚日接受商台訪問，佢哋下個月會聯同張偉文同尹光等舉行演唱會，所以近日佢哋密密宣傳演唱會。許冠英自爆佢同柳影虹嘅膝頭哥都有傷患，所以到時台上要準備兩張輪椅。佢哋接受訪問時又不失幽默，許冠英笑指柳影虹夠份量，所以影海報可以企中間，但柳影虹話：「因為我年紀最大，又少出嚟表演，咁要宣傳自己多啲。」