食衞局長周一嶽日前踢爆有議員如廁後唔洗手，不過冇講誰是缺德議員，噚日有人向八方報料，提供貼士畀大家追蹤邋遢議員。
該人士指出，當日係民建聯陳克勤率先提出政府應該多教育市民記得洗手，周一嶽聞言後表現感慨，遂爆出上述驚人言論。
周一嶽當時的確係有感而發，有人話畀八方知，如果唔係由民建聯議員提出洗手呢個問題，周一嶽可能冇咁大反應，至於點解，佢叫八方運用偵探頭腦自行推理，總之個人衞生由自己做起，吓吓要人提、要人叫就醜怪啦。
原來唔單止局長目擊邋遢議員醜行，部份喺中環政府合署西座四、五樓返工嘅議員助理，亦目睹男議員如廁後唔洗手驚嚇場面㗎！