建行（939）昨日早市偏軟，但有消息指配股落實後，股價一度重上5元水平，協助港股回穩，恒指倒升65點，收17153。
港元持續強勢，金管局昨日多番注資逾百億元，令明日銀行體系結餘增加至逾2400億元。
股海咁多「水」，理應有利市場各路股份搞作，呢輪細價股可謂百花齊放，對散戶而言係一件好事，炒股目的無非想致富，如散戶懂得量力而為，嚴守紀律，投資細價股的回報，有時會令人喜出望外。
「仙股」在今波大市升浪中算係最落後股份，星俠心水有南海石油（076）、華億新媒體（419），另外仲有一隻昨日爆升22%，收報0.089元的森源鈦礦（353）。
短炒目標0.13
森源鈦礦昨公佈，已向國土資源部登記目標礦區之礦產資源提出申請，計劃收購的內蒙古採礦業務代價，擬發行債券支付。估計呢單消息係該股昨日急升的催化劑。森源升勢剛起，技術上突破過去兩個月的橫行區，留意短炒機會，目標0.13元，止蝕0.07元。
方星俠