影帝張家輝噚日負傷到中環，出席泳兒首個會展個唱嘅記者會，相當畀面。原來家輝隻眼傷咗，搞到要戴黑超，佢話：「噚日整傷咗隻眼，入面好似條坑渠咁，要開拎晒啲膿出嚟，醫生話可能係污穢或者熱氣。」家輝今次會做泳兒演唱會嘅嘉賓，問佢係咪想鋪路返樂壇？佢話：「唔好喇啩，我想專心演戲，唔想搞到兩邊唔討好。」