汪詩詩及楊洛婷昨日往銅鑼灣Grosse珠寶店出席活動，汪詩詩親自設計了一套珠寶作義賣，所得款項全數捐給四川地震災民，她說：「呢個idea我都有份構思，套珠寶暫時未定價，不過我希望佢哋mark得低啲，咁就多啲人都買得起，賣得越多捐得越多。」問她收了多少酬勞？她說：「呢樣唔係重點。」她平時要照顧子女又要抽時間設計珠寶，問其老公甄子丹會否肉赤，她說：「就等佢知我咁辛苦啦，死嘢！」
訪災區送電腦
汪詩詩透露上星期曾往四川探訪，並帶了10部電腦送給當地災民，她說：「真係好感動，以前有小小事唔順利都覺得自己好慘，其實根本好幸福就真。」
採訪、攝影：JessicaNgan