做會計「數佬」一向俾人認為見錢開眼不懂溫柔,筆名方卓如嘅龔耀輝冧掂女主播林燕玲,被影到去爆房終於為數佬大平反,會計界議員陳茂波為手下敗將求情,噚日同記者茶敍時話,「人做錯嘢,要畀機會佢,希望佢太太原諒佢。」至於方卓如政途是否畫上句號,佢不予置評。
波波今日提出優化香港稅制辯論,要求政府檢討《稅務條例》,引入虧損退稅、虧損免稅同科研、商標扣稅等措施,以吸引更多企業來港做生意,同時建議成立稅務政策組,全面檢討現行《稅務條例》,佢認為優化稅制好過減稅。
G20同美國指香港係避稅天堂,港府匆忙提出修改法例堵塞漏洞,波波話去年已向財爺鬍鬚曾提出改革稅例,可惜對方不以為然,「就算唔係後知後覺,都無與時並進。」