無綫劇集《宮心計》昨日總動員在電視城內拍攝片頭，眾演員穿上戲服齊集佈置成宮殿的廠景內，場面浩蕩。鄭嘉穎和佘詩曼這對緋聞男女在人前表現避忌，不過最後都有應要求合照，阿佘表示本月尾拍完此劇後，將享受悠長假期，她說：「我諗住返夏威夷探媽咪，初初都有擔心嗰度受疫情影響，仲諗住叫媽咪返嚟，不過媽咪覺得問題不大，所以如無意外我會去探佢。」
陳豪諗過拍寫真
近期暴肥不少的陳豪，依然深受宮女歡迎，談到有指他刻意增肥拍減肥廣告，陳豪說：「梗係唔係啦，一直我都係為部劇，不過我遲啲都有計劃減肥，我仲希望可以練出一身肌肉，好細個嗰陣會諗住拍寫真，不過家就唔會，可能係人大咗識得知醜。」
採訪、攝影：何慧斯