馮仁昭四圍超：呂良偉出碟撫慰災民 - 馮仁昭

呂良偉早前同薛家燕合作拍劇，噚日阿呂就到新城電台接受家燕姐訪問。原來阿呂最近錄咗隻處男新碟，當中有首歌《給你未來》，目的係鼓勵受四川地震影響嘅同胞，今次出碟仲會攞嚟義賣籌款賑災。
阿呂仲話之前已經喺當地興建咗幾間學校，最近又喺四川設立咗個音樂教室，培養新一代人才，希望用音樂嚟撫平災民嘅創傷。