前日係一年一度嘅母親節，啱啱喺上月24號為形象設計師丈夫BUN順利誕下第一胎B女嘅混血性感女星LeahDizon，前日喺個blog度透露幫寶貝女改名做美蘭（Mila）。Leah又話呢幾日因為唔夠瞓，所以遲咗更新個blog，佢仲大讚小美蘭精靈可愛，個女就係佢一切咁話，成個慈母咁樣。此外，曾演出日劇《SP特警》嘅女星真木洋子，前日透過事務所宣佈為演員丈夫片山怜雄誕下第一胎女兒。