天文台新任台長李本瀅噚日履新，做到天文台一哥，話感到開心，首要工作係面對即將來臨雨季同颱風，向市民發放準確訊息，為免新官上任即出錯，佢透露上星期曾進行演習，亦會檢討已經試行兩年嘅熱帶氣旋警報系統，睇吓有冇地方要改善。
上任台長林超英不時俾人批評，李本瀅話天文台要按照科學基礎做預報，但亦會考慮市民意見。李本瀅甫上任就收「大禮」，天文台輻射測量室噚日獲國際標準化組織ISO9001:2008輻射測量服務認證。天文台1961年開始監測香港環境輻射水平，參與國際原子能機構同世界氣象組織舉辦嘅國際性環境輻射監測計劃，83年開始因應大亞灣核電站計劃，開展全面環境輻射監測計劃。