李樂詩（Joyce）去年6月和美籍華人、從事金融業的TedLee在夏威夷結婚，兩人一直喜歡小朋友，最近Joyce造人成功，現時已懷有4個月身孕。外表洋化的Joyce懷孕期間堅持不在家懶洋洋安胎，反而相約老友郭錦恩（Crystal）齊齊做大肚瑜伽，豬流感下強身健體迎接新生命。
李樂詩昨日和已有三個子女的郭錦恩在中環Pure一同練瑜伽，Joyce雖然懷有四個月身孕，但她仍然輕易做出單腳企、分腿蹲地等動作，郭錦恩說：「第一胎好緊要，大肚瑜伽係好安全，大肚都要keep住做運動，到生嘅時候就會舒服啲，容易啲，成個人都健康啲。」Joyce說：「其實我係懶做運動嘅人，咁有朋友督促住，就會好好多。」
勤洗手防菌
李樂詩初次懷孕，直認心情十分緊張，問到胎兒性別，她說：「未照到，想畀個surprise自己，不過都怕忍唔住會去問結果。」她透露本來計劃在美國生，但因為豬流感，故或者會在香港生，她說：「家都好小心，會keep住密密洗手，袋住啲口罩出街，有咗BB之後，個鼻感覺好強，人多嘅地方就會唔舒服。」
怕痛想開刀
李樂詩表示會盡量餵人奶，她又說：「我想喺香港生，香港乜都有，有工人、又有陪月照顧，我係一個怕痛嘅人，我本來諗住開刀生，但睇書同聽人講，話自然生對嬰兒好，我都會盡量。」快將為人母的她已提早享受母親節，她說：「嗰日母親節，老公帶咗我去食自助餐，又寫咗賀卡畀我。」
採訪：RubyWoo
攝影：RickyIp