法國上周六就打法足盃決賽，今周中就要加開法甲快車，其中護級大戰勒哈弗爾主場對聖伊天，小弟唔信老牌球隊聖伊天會降班，一於博佢哋作客全取3分，客W可以早捧。
勒哈弗爾主場弱雞
聖伊天呢支中部球隊，成立喺1919年，仲攞過10次聯賽冠軍，多過里昂㖭！你話小弟陰謀論都好，我唔信呢支上季仲排聯賽第5嘅老牌球隊會降班；事實上聖伊天搞到要護級，而家仲只排尾2，同之前參戰歐協盃有關，16強出局後，近況都好番啲，之前就擊敗前列球隊里爾攞3分。要講聖伊天好球員，點少得「新杜奧巴」巴菲迪比高美斯，呢位中鋒近期都開始入番波，另一前鋒伊蘭近況亦唔差，只要兩人生性，對住豆腐防線勒哈弗爾，要入波一啲都唔難。
小弟批評勒哈弗爾豆腐後防一啲都冇錯，佢哋34場聯賽失咗61球，係法甲目前失波最多球隊，排包尾好正常；一般法甲球隊都靠主場取分，不過勒哈弗爾就相反，主場差到爆，17場波輸足13場，只贏過4場，係法甲主場最差球隊，今仗更有柏斯卡方坦尼、尼斯托及普列斯等傷兵，在情在理都捧客W為妙。
配腳串哥連泰斯W
配腳方面，先揀巴西盃8強首回合，哥連泰斯可主場擊敗富明尼斯；哥連泰斯今季重返巴甲，大手筆簽入朗拿度，不過周日巴甲開鑼戰，收起「大哨」之下竟輸畀國際體育會，明眼人都知佢哋留力，周三盃賽先見真章，富明尼斯上仗擊敗聖保羅，耗力唔少，今仗作客更蝕底。
牽牛
早飛王貼士
星期三7勒哈弗爾vs聖伊天
首選：聖伊天勝（2）
次選：聖伊天[客/客]（3.15）
冷選：聖伊天勝3:1（17）
早飛倉
主菜：星期三7聖伊天勝（2）@$2,000
渾水摸魚過關：星期三7聖伊天勝（2）x星期三27哥連泰斯勝（1.67）2x1@$1,000
今日早飛價錢：-$3,000
上日賺蝕：-$2,000
早飛倉結餘：$71,225
規則：$100,000本錢，每日買早報最多動用$5,000，最少$1,000，逢周二、五見報。
周中焦點
星期三25畢爾包vs巴塞隆拿
在華倫西亞中立場舉行的西班牙盃決賽，巴塞上仗領先3:1下，被維拉利爾迫和3:3，未能提早在西甲封王，會否影響士氣被畢爾包偷雞，未能實現3冠王之夢？
星期四2列斯聯vs米禾爾
過去在英超有突出表現的列斯聯，在英甲升班附加賽首回合，作客以0:1不敵米禾爾，今仗返回主場，務必收復失地，才有望來季升回英冠。