噚日港股終於出現調整，成個借好消息出貨格局。期指全日嘅走勢好飄忽，接近全日低位收市，恒指跌咗301點，超過920億元成交，跌勢應該未完。
恒指曾經突破250日線，最高見17685，呢個位係短線嘅阻力位。睇番主要恒指成份股，普遍走勢麻麻，早幾日叫大家吼港交所（388）調整買C輪，股價如果回試100元，就可以小敲。
恒指P輪16084：恒指第一個支持位喺16800，不過守得住嘅機會唔大，下試16000關嘅機會比較大，可以諗吓隻P輪16084。
隻輪現價10仙，2009年8月28日到期，行使價17200，溢價10.9%，引伸波幅48.6%，槓桿率8.6倍（有效4.1倍），恒指跌落16000水平，16084有約3成升幅，恒指升破17700，就沽咗隻輪止蝕。
俊樺