唔經唔覺,震動人心嘅四川大地震今日就一周年。喺四川有成13家企業嘅港華燃氣(1083),佢哋主席兼執行董事陳永堅噚日話,雖然事件經已過咗1年,但港華燃氣同控股公司煤氣(003)一直都有跟進,幫助當地居民回復正常生活嘅工作有冇落實。
港燃員工籌200萬
陳永堅話,好似喺地震發生後,由150名公司志願員工組成嘅義工隊,到家都仲未解散,仲做緊救援工作嘅followup。不過咁,陳生話由於起樓唔係佢哋強項,所以災後重建工作,就交番畀港華最終控股公司恒基地產(012)幫手,公司淨係做番物資嘅管理。
港華燃氣年報披露,為咗四川地震救災,舊年旗下員工喺好短時間內,就自發咁籌咗成200萬人民幣捐款。做咁多嘢,都係希望可以幫到要幫助嘅人啫!