早排我同老公，仲有成串親戚朋友都收到運輸署寄封類似Reminder嘅信，提醒大家如有更改地址及其他個人資料就要通知運輸署。無事無幹無搬屋無改電話嘅人就會似足我老公咁反應：「政府嘥咁多紙同郵費做埋呢啲瑣碎事呀！」錢就事小，唔環保至真！但話說回頭，若然你真係改咗個人資料或地址，而又無喺72小時內通知運輸署嘅話，係違法㗎！最近我就有個阿太Friend，一味掛住Shopping，搬咗屋都一於少理，但就一個唔好彩搞出車禍，勞動到警察，警察當然話咁快就查出阿太嘅地址有變，結果告多一條罪，罰多二千銀。原來根據道路交通條例，任何人士沒有就有關更改，於改變出現72小時內以書面通知或遞交已填妥嘅署方通知書、並附上有關改變證明而又無合理辯解嘅話，即屬犯罪，可被罰款$2,000。錢就事小，咁衰法無Face至事大。
文：大姨媽