劇集《巾幗梟雄》氣勢如虹，劇中男女主角黎耀祥、鄧萃雯對《巾》劇早已充滿信心，如今收視口碑一樣理想。祥仔昨日在電視城接受《情迷TVB戲劇之王》訪問，祥仔知道首周收視最高達33點（約210萬觀眾），開心不已，他說：「如果結局收視最高有40點（約254萬觀眾）就好喇，香港觀眾都好直接，係好先會讚你，家好多人喺街見到我都會問劇情，自己真係好開心。」
祥仔又說：「呢套係我20年來代表作，拍到好劇係要好多嘢配合，演員、導演、對手。」問祥仔會不會對年尾的頒獎禮有期望，他說：「唔敢諗，好多因素，要睇當時條件同政治因素，同埋好多其他人都好好，家仲係年頭。」
鄧萃雯關心災區
鄧萃雯昨日則出席在東港城舉行的四川地震活動，她講述去年11月到地震災區的經歷，她說：「真係感覺死過翻生，當年都好後悔帶埋爹哋去，佢真係好辛苦，仲要經歷過4點幾級餘震。」
採訪：楊潔雯
攝影：林德雄