轉眼間，512四川大地震今日已經一周年，唔少人發起籌款活動幫助四川災民重建家園，其中麥長青（麥包）日前應邀飛到北京出席「愛在北川學子吟」圖書全球義賣首賣活動，目的係幫助重建北川中學籌募基金。麥包今日仲會親身到北川出席北川中學奠基儀式，擔任嘉賓。麥包話聽過唔少災民嘅真人真事，令佢感動到眼濕濕。