萬綺雯、朱慧珊、鮑起靜和黎燕珊等一眾亞視藝員，昨日在執行主席張永霖和行政總裁胡競英帶領下，在亞視總台出席52周年台慶亮燈儀式。今年亞視將聯同台灣中天電視製作《康熙來了aTV》，屆時會派出陳啟泰、朱慧珊、林韋辰、鮑起靜、萬綺雯和袁文傑到台灣拍攝，本月29日會在總台舉行酒會賀台慶。
昨日眾藝人均盛裝上陣，當中以筱靖的低V連身裙最搶鏡，她笑說：「唔好咁講，我都係臨急臨忙攞出嚟着，但我做好安全措施。」問是否因吳亭欣請假一個月，故趁機做焦點？她反問記者：「可以咩？」
葉家寶：扣少少分
問張永霖有關吳亭欣捲入婚外情醜聞，他聞言匆匆離去。亞視製作行政及統籌副總裁葉家寶代答說：「我曾經同Lulu（吳亭欣）通過電話，呢啲係藝員嘅私事，雖然Lulu嘅印象分係扣咗少少，但佢都係公司重點栽培嘅藝人。」那麼Lulu是否需要守行為？葉家寶說：「Sofar佢冇犯大錯，但會等佢放完假再了解。」
採訪：何慧斯
攝影：陳俊強