股市無論升得幾勁，也總有腳軟之時。港股昨日早市抽高至17685，衝破牛熊分界線，但投資者午市見內地股市回吐，也獲利回吐，大市跌301點，仍守17000關。
炒股要守紀律
港股今次升浪，好淡之爭可算係一場心理戰，尋常淡友經幾番折騰後，早已投晒降，但依然有能耐頑抗落去者，就肯定唔係等閒之輩，有足夠銀彈補倉加沽。股市有升有跌，唔會長期單邊市，淡友重掌形勢一點不奇。
細價股呢輪好好炒，早兩日提及之中亞能源（850）已升抵目標價0.30元。其實無論係炒邊種股份都好，股價升跌「到位」後，不妨按策略執行，有時炒股要知足，畢竟第二鋪有第二鋪玩法。
平保（2318）上月底曾插落44.35元，之後隨大市反彈，惟近日股價升至52元水平暫難再進。當日低位撈到貨者，短線食糊好正常，事關富通單deal嘅損失已成市場人士心結，相比之下國壽（2628）個底冇咁花，現價追買平保真係唔鼓勵，建議跌番上次低位再諗過。
方星俠