前日母親節對謝安琪（Kay）來說可算是相當難忘，因為當晚她正在紅館繼續演出她的處女演唱會，雖然要在工作中度過，但老公張繼聰帶同囝囝張瞻到紅館陪伴Kay過節，而精靈活潑的張瞻開騷前由爹哋抱住踩上紅館舞台打鼓，手舞足蹈似乎遺傳了父母的音樂細胞。
合共七場的「好多謝安琪吶喊演唱會」前晚母親節繼續在紅館演出，身為媽咪級的謝安琪（Kay）卻要在工作中度過，不過她也不愁寂寞，因為老公張繼聰不但再度現身捧場，他更帶同囝囝張瞻到場陪伴Kay度過母親節兼為她打氣。
「我有好好家庭」
甫開騷前，活潑精靈的張瞻由張繼聰抱着走上紅館舞台，他們坐在鼓前，戴着藍色耳筒的張瞻即拿起鼓棍亂打一通，樣子相當可愛，似乎甚有音樂細胞，部份已入座的觀眾見到張瞻在台上即上前拍照，但當張繼聰見到有記者拍照即抱張瞻急步離去，但張瞻卻似乎對這個大玩具有點依依不捨。
繼第二場沒有甩嘴順利完成表演後，前晚Kay再度發台瘟，當唱快歌《半斤八両》時又甩嘴。Kay談到感受時再度感觸落淚，她說：「有時有部份報道講到我好似好壞咁，其實我有好好家庭，對人生好有信心，啲報道雖然可能傷害到我嘅事業，令歌手消失，但唔緊要，最緊要梗係曾有一刻為你哋唱歌。」說到此事Kay忍不住落淚。
農夫台上搞笑
當晚Kay請來農夫做嘉賓，兩位成員陸永及C君拿之前Kay整容傳聞來搞爛gag，陸永笑說：「佢唔只真心唱歌，所有嘢都係真，第一日識佢，佢對眼已經係咁大。有人話佢入院做爆肺手術時順便整埋，我好肯定咁話佢爆肺前仲大，我係話肺容量。」
C君問到Kay在母親節收到甚麼禮物，Kay甜絲絲表示收到幾朵花。而當Kay和台下fans握手時，fans都不忘祝她母親節快樂。
採訪：王崇穎
攝影：林德雄
