回想第一次參加遊學團去加州，當時13歲的我，上午慘被賣豬仔到幼稚園學低B班英文，下午被遺棄在操場悶到發慌，不禁要大叫回水！遊學團選擇眾多，報名前確要小心選擇，睇吓旅遊達人謝茜嘉有乜專業貼士。
記者：吳允冲
國際大機構最好
因為做電台旅遊節目關係，茜嘉姐姐經常收到聽眾向她投訴遊學團貨不對辦，「好多都係上晝上堂，下晝自由活動，其實悶到死。」她不建議父母參加親子遊學團，因為：「阿爸阿媽跟埋去，訓練唔到仔女嘅獨立能力。」所以她認為父母為仔女揀遊學團，不妨
根據以下幾點：
1.揀國際大機構：國際機構可吸納更多不同國籍的學生，接觸得多，英文實有進步。
2.揀刁鑽主題課程：與其坐定定，不如揀香港學不到的課程，如揸飛機、做太空人，有趣又可提升外語能力。
3.香港人帶隊：唔使雞同鴨講，又無文化差異，無論學生或父母都會更安心。
4.跟非牟利組織：去外地做義工，一大班人團結工作好開心，幫到人更有意義。
達人之選 學日本人自律
謝茜嘉建議家長揀遊學目的地時，要遷就仔女的興趣，像日語，平日小朋友睇動畫、打機時都會接觸到，學習日語的動力自然特別大；且日本人出名有規律，小朋友可學習修養。這個日本遊學團只有2堂活動教學日語課，由日籍老師任教。其他行程包括遊覽牧場、防災體驗館、杯麪博物館、大涌谷火山、飛機工場參觀等，有更多時間外出實戰與日本人溝通，活學活用。
10天東京大阪遊學團（OJT）
日期：7月23日及30日
年齡：9至16歲
團費：$18,998（捷旅）
漫步太空
數行程最豐富，一定是美國奧蘭多遊學團。前半行程集中在環球影城及迪士尼世界，先了解動畫設計及自然生態，再玩機動遊戲。之後轉往甘迺迪太空中心進行太空人訓練，執行太空任務，一試月球漫步、火星探險、火箭設計等。我都好想去呀，可惜只限14歲以下同學咋！
15天升空夢探索營（6US-0719）
日期：7月19日
年齡：10-14歲
團費：$32,990（學聯）
澳洲親近大自然
全程入住寄住家庭，活動包括植樹、睇海豚及參觀野生動物園，加上兩天大自然體驗營，可跟土著學玩回力鏢。
16天大自然動感Camp（OWA）
日期：7月17日
年齡：14歲或以上
團費：$27,998（捷旅）
其他特色團
登雪山高原
「茶馬古道」位於雲南，這個遊學團跟高原上少數民族學紮染、茶藝、藏語，更登上玉龍雪山。因高原可引起高山反應，報名前要衡量身體狀況。
8天茶馬古道體驗營（8TR-0719）
日期：7月19日
年齡：12-21歲
團費：$9,990（學聯）
北京做滕海濱師弟
京奧熱還未停，去吳京母校「什剎海體育運動學校」學習基本體操，由曾出戰奧運的運動員任教，話唔定可成為下一個滕海濱。課餘時間遊覽鳥巢、水立方等景點。
10天奧運體驗營（HU-CPUE10-0724）
日期：7月24日
年齡：10至15歲
團費：$9,999（東瀛遊）
英國做C朗接班人
想學英文或增進球技，梗係去英國跟曼聯，每朝進行3.5小時個人技術及進攻技巧訓練，晚上切磋球技，仲會參觀曼聯主場奧脫福球場。
16天曼聯足球英語夏令營（EMU16-STR）
日期：7月6日及7月27日
年齡：9至14歲
團費：$31,999（康泰）
韓國扮花樣男子
除了浸溫泉、整泡菜、餵海鷗，重點係去KBS電視台參觀，睇住韓版《花樣男子》學韓文。隨團更有一韓語老師，出發前亦有預備課程。
10天韓流全接觸（HU-KSUE10-0724）
日期：7月24日
年齡：12-25歲
團費：$14,999（東瀛遊）
記者小貼士
身為過來人，總有小小貼士可以講畀大家聽：
1.揀寄住家庭：日夜與當地人溝通，比與香港同學住酒店，英文進步得更快，體會更深。
2.揀知名學院：其師資及課程有保證，提防被賣豬仔到蚊型學院。
查詢：
捷旅（21113522）
學聯（27356668）
東瀛遊（23151949）
康泰（21088888）