郭豫謙生於1989年11月。他說，1990年或以後出生的「後輩」，多寧死不信共產黨有開槍鎮壓，「差一年，立場差好遠」。網上討論六四，90世代「最叻叫你攞證據，你畀相佢睇，佢就話張相假嘅，自欺欺人！」19歲的豫謙，難忍受新生代對六四無知，正號召年輕人5月底靜坐絕食到6月4日，希望用行動喚醒盲目、封閉的心靈。
「呢一代只顧打機」
「有感香港新生一代對六四事件認識不足，我們決定從網上走到街頭，為六四出一分力。」上月底，豫謙在facebook建立「我們的六四」群組，最初雄心壯志，想在六四當日在旺角行人專用區搞民運音樂會，唱《長城》、《自由花》，曾想過邀請高登討論區的網友作曲家為六四譜新曲，但五名幹事「一個病咗、一個潛水、一個餐餐放飛機」，計劃胎死腹中。
豫謙沒死心，召集另外四個新幹事，正籌備5月29日開始靜坐及絕食，直至6月4日，並歡迎市民加入，目前已有八人答應參與。「諗緊喺立法會外或者旺角搞，一定要轟動，先吸引到後生仔」。
豫謙03年首次認識六四，中史科老師播影帶，告訴他：「23條過咗，就冇得喺課程播。」豫謙知道六四事件發生在他出生那年，好奇下在討論區搜尋資料，了解事件經過。他當時感到，大家都是年輕人，「點解上一代咁關心國家，我哋呢一代只顧住索K、打機？」
爭取保留歷史資料
眼看90世代的小輩盲目親共，或是出於反叛要與成人的主流意見唱反調，自甘麻痹大腦，「點都唔相信有鎮壓」。他越想越覺恐怖，決定站出來，做點事，希望更多年輕人先了解歷史真相，「我個人支持平反，但事件過咗唔係太耐，由我哋呢代人去評論唔客觀。」他希望從現實角度出發，先集中爭取保留歷史資料，讓下一代再為事件作定論。