昨日是一年一度的母親節，圈中人也紛紛敍天倫表孝心。狄波拉（拉姑）與女兒謝婷婷相約在福臨門午膳，拉姑一見記者即說：「母親節快樂！」並透露已收到子女及媳婦張栢芝所送的心意卡。
其後拉姑母女二人到中環IFC購物，在超市買了凍肉等美食，問拉姑是否打算親自下廚？她笑說：「係呀，今晚全家人一齊食飯，出街又多人，孫仔Lucas又碌嚟碌去唔方便去街，咪返屋企一齊煮飯。」之後便與婷婷齊返謝霆鋒的舂坎角新居。
大劉一家嘆茶
至於劉鑾雄（大劉）與女友呂麗君及女兒，昨日也在福臨門慶祝母親節，大劉胞妹劉玉珍、胞弟劉鑾鴻（細劉）及劉媽媽乘坐七人車先到。大劉女兒一身公主裙，呂麗君則穿牛仔裙，手挽兩個手袋，一個是Chanel，另一個是橙色Q版Hermés，應屬其囡囡所有。
容祖兒（Joey）則在荃灣出席唱片簽名會，其經理人霍汶希（Mani）上台贈送價值6位數的手鏈及戒指，讓Joey轉贈其母，Joey則送花答謝。Joey透露昨晚與母親、外婆及表哥女兒晚飯慶祝，稍後打算一家人齊遊日本。問到其母可有要求她交男友時，她笑說：「冇喎，媽咪唔太心急，佢無慾無求喇，冇乜所謂，我健康佢就開心喇。」
此外，袁詠儀（靚靚）、汪詩詩及周美鳳等，昨日出席在山頂舉行的「母親節揹水步行籌款」慈善活動，靚靚說：「陣間會同張智霖，仲有幾個家庭朋友一齊食飯，阿仔喺學校學整咗花畀我，同我講咗句Iloveyou，都冧晒啦。」汪詩詩則謂獲在上海拍戲的老公甄子丹越洋送花及心意卡。
採訪：顏英儀、張俊銘、藍文浩
攝影：葉君海、黃偉雄、娛樂突發組
