王家衛經典作品《東邪西毒終極版》喺世界各地公映後，終於喺今個月28號回歸香港，香港亦係《東》片世界公映嘅終站，亦都係王家衛對哥哥張國榮嘅一份心意，因為哥哥生前好希望呢套片可以喺世界各地上映，尤其係康城，終於呢套終極版成功以康城作為公映首站，並以哥哥嘅屋企香港做尾站，都算係一個完美嘅句號。