花旗股市上禮拜五回復升勢，失業率升到8.9%都嚇唔到投資者，反而焦點喺職位流失速度慢咗，當係好消息炒，即係話花旗股市仲係炒上唔炒落。
港股今日應該可以食住花旗股市個勢炒上，個市升咗咁多仲未見調整，股民追貨或者會有戒心，不過，溫總啱啱話除咗4萬億元人民幣救市方案外，中央仲有其他措施，A股或者大幅造好帶起港股。
江西銅C輪15084：江西銅（358）上日報收11.50元，升5.5%，短線有機會上試13至14元，可以諗吓隻C輪15084。
該輪現價37.5仙，2009年7月20日到期，行使價7.88元，溢價1.1%，引伸波幅86.6%，槓桿率3倍（有效2.6倍），正股升上14元，15084有機會見60.4仙，正股跌穿10.60元就沽咗隻輪止蝕。
俊樺