葉梁美蘭前晚在尖沙嘴盛裝出席「香港芭蕾舞團籌款晚會2009」，除晒行頭外，更大晒苦練兩年的日語，以流利日語為日籍好友青山光司作繙譯，就章子怡事件擋駕，豈料她佩戴的「大眼仔」隱形眼鏡忽然掉下，導致她狂流眼水，十分尷尬。
葉梁美蘭前晚以籌委會副主席身份，出席在尖沙嘴洲際酒店舉行的「香港芭蕾舞團籌款晚會2009」，前晚dresscode是「SomethingSentimental」，各來賓都穿上她們有紀念價值的服裝或珠寶，也算是在金融海嘯環境下的一個節流行動。
維護青山發脾氣
葉梁美蘭前晚穿上Valentino粉紅色晚裝，首飾則佩戴結婚周年丈夫葉維義所送的頸鏈及媽媽送的腕錶等，她全程貼身招待有「日本第一鑽石王老五」之稱的好友青山光司，並擔任青山的日語繙譯，她說：「青山一身粉紅色Givenchy，我都特登着粉紅色襯番佢。」章子怡早前曾指青山利用她博見報，那有否與章子怡再見面？葉梁美蘭一聽這問題，即少許不悅說：「唔好再提啦，都過咗去。」又大爆青山未有女友，更經常叫她介紹女孩他認識，有記者即提議現時回復單身的傅明憲，葉梁美蘭一聽只說：「Nocomment（不願置評）。」訪問期間，葉梁美蘭的「大眼仔」隱形眼鏡忽然掉下來，大會公關即時為她遮擋待她戴回「大眼仔」，只見她眼佈紅筋、又流眼水，十分尷尬。
李蘢怡騷卡地亞
另一來賓李蘢怡穿上HenryLau晚裝騷身材，並大晒全身總值過百萬的卡地亞行頭，她說：「我哋全家都係卡地亞fans，呢set珠寶買咗年幾兩年。」記者指近年不見她有任何工作，卻身光頸靚，李蘢怡說：「唔好問呢啲咁尷尬問題啦，畀啲位我走啦。」再追問她收入與行頭不相稱，不怕傳出被包養的新聞嗎？她聽罷說：「吓？你話會唔會呢？唔使講啦，咁就話屋企包我囉！」
採訪：JessicaNgan
攝影：ChanShunChing
