有「搖滾之神」之稱嘅日本男歌手忌野清志郎，前周六因癌病離世。忌野嘅告別儀式噚日喺東京南青山舉行，竹中直人戴上忌野所贈的戒指致悼辭。告別儀式以搖滾音樂會形式進行，會場內播放住忌野嘅歌曲，近35,000名歌迷大合唱送別偶像。由於到場歌迷眾多，原定只舉行一個鐘頭嘅儀式足足延長咗五個鐘。