綜援媽媽阿玲從口袋掏出一個mochichi公仔，仍用膠袋封着，怕被塗污。那是兒子去年送的生日兼母親節禮物。他先拿出一副啤派，砌成蛋糕圖案，叫媽媽逐張揭開，揭到最後一張，竟然是"HappyMother'sDay"字條，「跟住佢攞咗個公仔送畀我，事後街坊講番，見到阿仔揀咗半個鐘」。兒子前年跟社福機構遊迪士尼，也省下零用錢買紀念品，悄悄藏起幾個月，等到母親節送給她。
對領綜援羞於啟齒
記者想拍照，阿玲很擔心：「阿仔千叮萬囑，叫媽咪千祈唔好俾人影到，怕俾同學知道」。最後她還是拍了側面，「唔怕啦，我哋都冇多餘錢買報紙」。
兒子對領綜援羞於啟齒，做媽媽的，也曾有這感受。96年，丈夫欠下數十萬元賭債，離婚收場，阿玲獨力帶着3歲的兒子，找不到工作，又要代夫還債，徬徨無助。
「當時覺得綜援係道友先去攞，我土生土長香港人，覺得好醜。我有兩年不停問社工：我係咪好衰？」當時兩母子僅以4,000餘元綜援金過活，在一個10度以下的寒冬，五歲的孩子「震騰騰」地從浴室跑出，原來他知道「屋企窮」，不敢用熱水爐，說要與媽媽一起「慳家」。那夜，相依為命的母子相擁而哭。「嗰刻好感動，咁細個都識同媽咪一齊捱」。
只望畢業脫綜援網
孩子三年級，問媽媽為何不用申請書簿津貼，媽媽告訴他一家領綜援不用申請，孩子從此很少再提，偶爾仍會說：「等我快啲讀完書，出嚟做嘢養你」。南亞海嘯冲出攞綜援遊布吉的高氏夫婦、退休大法官住公屋呃綜援，令公眾越來越歧視。「呢個係執行嘅問題，但喺社會上真係有不幸嘅人」。
兒子漸長大，阿玲在06年也找到補習的工作，每月賺取約5,000元，現改領約2,000元的低收入綜援及租金津貼。今年51歲的她只望兒子畢業後，一家可脫離綜援網，「可以留番畀其他更有需要嘅人去攞」。
記者：雷子樂