謝安琪（Kay）首次紅館個人演唱會前晚正式開鑼，當晚她先後換上總值逾百萬的7套靚衫上場，一向密實見稱的Kay穿上低胸裝，露出閃bra大跳勁舞，實行性感大解放。不過由於首次在紅館開個唱，她坦言心情緊張，不少歌曲皆唱錯歌詞兼走錯位，幸有老公張繼聰和家人現身撐場，Kay感動得兩度落淚。
共7場的「好多謝安琪吶喊演唱會2009」前晚在紅館開騷，謝安琪全晚換上7套歌衫現身，當中有cyberlook、水彩裙、粉紅貼身衣和雞冠閃石長裙等，壓軸的火紅吊帶裙由著名品牌JPG贊助，價值約6位數。
俯身露閃Bra
Kay一向打扮密實，但為了處女個唱，破例以低胸背心閃石短裙再襯legging，以rock妹造型大跳勁舞，當她俯身時不但露出閃bra，胸前雙峯湧出，性感養眼，令人眼前一亮。但可能由於首次踏上紅館舞台，Kay表現緊張，整晚不少歌曲都唱錯歌詞，她在台上也不諱言：「真係唱到亂七八糟。」幸好她臨危醒目執生，總算順利過關。
改歌詞贈子
前晚Kay的老公張繼聰及老爺奶奶和母親都有現身撐場，她兩度落淚，其中唱到《但願人長久》時忍不住感觸嗚咽，她說：「真心多謝你哋，我可以做到鍾意嘅歌同歌手，呢條路真係好難行，唔易行。多謝咁多年好姊妹陪伴，仲有你哋（指fans），我唔係好識做歌手，我只係識唱歌。」
安哥時Kay再度有感而發說：「今日嘅錯係買唔到，好多甩漏同錯，原本我要行去好多位但我都唔記得晒，特別喺度要多謝我嘅屋企人。」接着她向台下家人揮手。之後Kay又說：「我知做父母係好辛苦，我又係人哋媽咪，睇住自己下一代，如果有人話我個仔唔得意，我一定燶面。」她即場把《我們五個小孩》改唱為《我這一個小孩》。
自讚爆肚掂
事後Kay接受訪問時直認心情緊張，故原先設計了很多走位但卻全部忘記，她說：「加上我又冇行熟，有啲樓梯今日先搭好，所以我都唔敢亂行。」至於唱錯歌詞，她解釋唱歌時，腦海已經想着下一首的歌詞，故此十分混淆。問到自己首場分數，她表示給自己180高分，因為她覺得自己爆肚部份觀眾反應好。至於上圍突然升cup，Kay直認因穿了束胸衣才有這樣效果，她笑說：「咁演唱會點樣都要。」
採訪：胡比
攝影：陳順禎
