隔牆有耳:派花送埋溫馨提示 - 李八方

隔牆有耳:派花送埋溫馨提示 - 李八方

卿姐成為白鴿黨副主席後,首次參加黨嘅母親節活動,噚日佢聯同肥仔明及多個黨員,去到牛頭角派康乃馨。一個係阿媽偶像,一個係師奶殺手,呢次派花活動好受街坊歡迎。
肥仔明話希望所有母親都可以同仔女過一個快樂母親節;卿姐則提醒各位母親或者為人子女者,慶祝之餘,都唔好忘記出席六四燭光集會,因為今年係六四20周年,好多20年前失去子女嘅母親,家仍然未獲政府一個交代,喺天安門流嘅血、喪失嘅性命,至今仍然未獲平反,所以希望香港人繼續支持天安門母親!堅持平反六四,唔可以令佢哋嘅子女白白犧牲。