有位楓葉國嘅樂壇天后，佢唱歌紅遍整個地球，靠把靚聲賺錢無數，雖然係咁，但佢都會貪小便宜。「楓葉歌后」早排去咗上海做演唱會，竟然大模廝樣咁狂掃名牌A貨，因為佢大量入貨好張揚，過關時俾人捉到正，搞到家一身蟻，呢單嘢揚咗出嚟後，嗰間A貨店已經俾人冚咗。
A貨都有名店
原來呢間店好出名，香港都有唔少圈中猛人幫襯，其中二撇雞個老婆「青酸」，佢都有鋪買A貨癮，但佢唔會一次買好多，所以冇俾人發覺，有時佢仲會去羅湖城買㖭。慘得過佢自己就係名牌，買A貨都冇人會覺得佢用假嘢，有時用吓真嘢，有時又用吓假嘢，咪瞞天過海囉！
Textby關仁
