聽日係一年一度嘅大盛事，母親節喺畢傑心目中真係大晒，任何節目都要推晒佢。我將會送一份又冧又軟又輕嘅禮物畀佢，至於係咩嚟梗唔話你哋知，不過佢見到呢份禮物一定開心到痹。聽日正日我要返工，今日就先同佢預早飲餐茶，夜晚再BBQ直落，喺度想同媽子唱句：「請准我，說聲真的愛你！」
早排左眼生咗粒大瘡，連眨眼都覺得痛，歸根究柢同夜瞓、熱氣好大關係。我梗係冇張呢件事話畀媽子聽，費事佢擔心，家陣消咗腫，心情靚番之餘，賭波同股票都贏番兩餐晏仔，算係心滿意足。今晚BBQ嗰陣，一定將富咸貼士宣揚畀各親戚，決以畢傑之聲名發誓。
讓球：富咸（平）
心得：維拉係強弩之末
近5場往績：LLLLW
畢傑
哥連泰斯將是朗拿度嘅最終站，但無論呢個死肥仔去到邊度，我永遠最愛係佢。