唔少人得閒都鍾意同朋友去BBQ，但對於我嚟講，呢樣嘢係有季節性嘅，我只會喺夏天先至去燒嘢食，而且仲一定要去海灘燒，因為貪燒完嘢食後可以去游水，冲走晒啲油煙味。油煙味可以話係我嘅死穴，我真係好怕嗰陣味，記得細個時成班親戚喺冬天BBQ，BBQ完老竇用架車送所有人返屋企，結果架車陣油煙味成個禮拜都唔散，去埋洗車兼洗內櫳，始終都好似有陣「餘香」。
至於我喺〈開倉版〉都有個死穴，就係唔多鍾意同人心水一樣，總覺得好似會唔中咁。不過，季尾啲波越嚟越少，加上今期對於般尼迎雷丁開「大」真係好有心水；所以蘋果波神，唔好意思，今次推介同你一樣。
大細：般尼大
心得：般尼主場表現好
近5場往績：WLLLW
吾中
買嘢講名牌，但賭波一定唔會做名牌奴隸嘅大聯盟女神。