陳敏之、模特兒諸葛梓岐和化妝師RickChin昨日為品牌BeLLE中環店擔任嘉賓評判，在四位模特兒中選出型格模特兒冠軍，陳敏之和諸葛梓岐還親身試穿夏季高踭鞋作示範。
最滿意長腿
勝出模特兒Shirely身形高䠷，跟陳敏之同樣骨架，會否因此而加分？陳敏之說：「唔會，但高係會着數啲，尤其有關展示鞋活動，雙腿修長好緊要。我以前做模特兒畀人睇，家睇番人比賽，真係老喇。」陳敏之擁有43吋長腿，她說：「條腿係媽咪給予我最滿意身體部份，又直又長，我家族遺傳都係高人，細佬都有6呎。」
諸葛梓岐常被網友彈，她說：「佢哋唔鍾意我冇辦法，佢哋都有佢哋意見，我當然希望佢哋會支持我，但我自己都有個fansclub，做嘢最緊要開心，我唔會受呢啲影響。」
採訪、攝影：卓寶花