好多時炒股要獲利，所涉因素不少，撇開有目共睹之公司盈利「錢」景、技術走勢以外，其實信心都好重要。醒目散戶應明白，除非你自己心甘情願，否則無人可以勉強到你去買股票，即係你想買，多少都係懷住一定信心會賺錢。如果一項投資缺乏信心，或心存懷疑，就唔好逼自己去買。
還記得去年底兩岸「大三通」剛啟動，星俠建議不妨買入富邦銀行（636），當時股價2元左右，目標價4元。後來市場環境令銀行業面臨嚴峻考驗，富邦一度跌至1.69元，不過星俠一直堅持睇好。富邦近日曾見4.48元，簡直係超額完成。
所以話好多時炒股要心無旁騖，明知「大時代」會造就有關股份大升，眼光就要放遠些少。
中信資源（1205）可能亦係一隻值得睇長遠些少之股份，雖然中信資源去年純利倒退近三成至2.04億元，上月中公佈業績後，股價曾由當時高位1.30元水平持續回落，但跌至1元邊緣後，受惠大市氣氛轉旺，中信資源亦乘勢重拾上升動力，昨日更一度突破1.60元。中信資源除擁有石油業務外，近年更涉足錳業，並已具獨立分拆上市條件，相信待年內股市氣氛重臨，有關計劃將再擺上日程，可待回吐時買入，獲利目標2.50元。
方星俠