柳影虹前晚在文化中心舉行「一柳柔情．有影虹演唱會」，請來好友薛家燕、尹光及舒雅頌等擔任嘉賓，其間柳影虹獻唱多首高難度之作，笑謂是監製大整蠱，她說：「驚唱我唔死，想攞埋我條老命。」
眼濕濕謝好友
早前因割膽石一度昏迷的薛家燕，前晚也有獻唱，但似中氣不足，她說：「呢個係絕唱，暫時唔會再唱住喇，啲氣未回到。」家燕姐甫上台即頻向柳影虹致謝，感激好友在她婚變時給予幫助，一度眼濕濕，柳影虹即說：「你唔好咁啦！」
事後家燕姐說：「嗰陣我老公失蹤，我唔知點做好，又驚有人知，佢（柳影虹）哋兩公婆幫咗我好多，佢先生係差人，教我點報警，又叫我唔好擔心。試過睇唔開想跳樓，佢哋去英國旅行都打電話嚟勸我。」
採訪、攝影：胡比