呢輪個市升番唔少，同〈救生圈〉嘅貼士成反比；唔得，一於要的起心肝俾啲好嘢大家先。首先嚟一條穩穩陣陣但分頭唔錯嘅混合過關3串4，全中有41倍賠率。
前歐洲冠軍德甲嘅多蒙特，近年表現一直好沉，不過，到咗今屆季尾球隊狀態突然冒升，攻擊球員如阿歷山大費爾、穆罕默德施丹及希度華迪斯幾乎射親都有，喺聯賽已經6連勝，仲有機會爭下屆歐洲賽參賽資格㖭；周六佢哋迎戰包尾大幡卡爾斯魯厄，無論喺近況同埋實力都遠勝卡隊，直取[-1]「主勝」。
機員慢熱和波啱路
至於07年挪超冠軍白蘭恩季初表現麻麻，但現已重回勝軌，前鋒大衛尼爾遜又腳風順，今訪奧特格寧蘭，單W可期。另外，哥倫布機員雖然係去屆美職聯總冠軍，但一向慢熱，至今仍未「開齋」，今迎肯薩斯巫師，再博和波。
嫌呢條3串4分頭唔夠？再俾一次冷啲嘅混合過關2串3大家。同哥倫布機員一樣，芝加哥火燄今屆喺美職聯成日和波，對住跌watt嘅新英倫革命，可能又開2:2；不過，由於火燄對賽往賽好，要補火燄贏2:1。至於蘇超榜首大戰格拉斯哥流浪迎些路迪，兩隊近兩次碰頭竟然冇入球，今仗總入球[0球]仲有9倍咁好分㖭！另外，呢場波亦要兼顧蘇超專家牽牛提供嘅總入球[3球]。
文：吾中