林保怡喺無綫新劇《掌上明珠》入面做大奸角，劇中嘅佢壞事做盡，既殺人又想放火。噚日林保怡喺藍田石礦場拍攝一場殺人戲，然後再幫滕麗名接生，認真峯迴路轉！
阿滕怕血B
林保怡話：「我喺劇入面係從未打過交嘅人，不過今次會錯手殺人，然後咁啱阿滕又要生BB，我就即場幫佢接生，幫佢接完生後，我嘅人生開始轉變，開始想做番個好人。」第一次喺荒山野嶺接生，問保怡有冇做準備？佢話：「我都有睇過接生紀綠片，但唔係荒山野嶺，喺醫院囉。」
滕麗名喺現場見到搽滿紅色血漿嘅假嬰兒，顯得好抗拒，但當佢扮生仔嘅時候，就真係入木三分，呼天搶地，叫到人毛骨悚然！佢話：「我都係第一次生仔，都唔識，之前睇過水中分娩，同加埋自己嘅幻想力。」