鞋王鄧劍群的前三奶Karen（李姿霆）與港男黃長發愛得火熱，二人昨日拍拖到清水灣的沙灘乾煎，Karen對黃長發體貼服侍，既揼骨又遞飲料，令他非常享受，難怪遲遲未返工。
鞋王鄧劍群不滿三奶Karen搭上港男黃長發，早前更入稟追討過往送給Karen的多個物業。鄧劍群的二奶劉貝茜近日被拍到偕舊愛Edward密會，未知可又惹怒他閂水喉？
馬路橫衝直撞
正當鄧劍群為二奶偷食事件煩惱之際，回復自由身的Karen昨日則穿上黑色低胸背心拖仔出巡晒命，二人拍拖到清水灣沙灘曬太陽，並會合早已到場穿上三點式泳裝的紋身女友，但坐在一旁的黃長發和Karen卻沒換上泳裝，他們一邊乾曬，一邊大做真人騷，公然頭貼頭晒煙韌。
Karen對年輕過她的黃長發呵護備至，除了替他按摩大髀外，又遞上橙汁，全程服侍周到，更不慎露出喱士內褲。但當發現有記者時，二人火速鬆人，分別駕駛自己的車出九龍，黃長發先行離開，Karen獨自到黃埔取東西，然後再過海往中環，她開車時在馬路橫衝直撞，既衝紅燈又切線，險象環生。
女兒自製賀卡
對於二奶劉貝茜被爆對鄧劍群不忠，甩難後的Karen顯得心凉，她前晚說：「佢（劉貝茜）啲嘢，成個半島中心都知道晒，鄧生咪成日淨係識話我。」Karen表示暫時擱置做生意的大計，她說：「我要留番啲錢打官司。」母親節明天才到，但Karen雀躍表示已收到女兒親手繪製的賀卡，至於下月父親節可會讓女兒跟其生父鄧劍群慶祝，Karen說：「我唔會阻止，佢嚟見個女先算啦。」
採訪：藍文浩、娛樂突發組
攝影：陳志嵐
