我同5月出世嘅人都算有緣，7號到10號都有親人或朋友生日，去到20號同21號亦有，所以呢個月零舍忙，不過能夠同親友慶祝生日，確實係一件好開心嘅事。聽日就到我好友Koty，喺度代埋Pauline、阿Sa同埋里奧，同佢講聲生日快樂。
好多球星亦都係喺5月生日，例如係AC中場碧咸（2日）、阿仙奴中場法比加斯（4日）、拜仁前鋒東尼（26日）同埋利物浦中場謝拉特（30日）。
利物浦今晚會喺英超作客韋斯咸，佢哋家落後曼聯3分兼打多場，仍有機會爭標，所以餘下3場聯賽，場場都當決賽打，加埋5月壽星仔謝拉特傷癒，數糊能力大增，唔好諗，就要利記[-1]「客勝」。
讓球主客和：利物浦勝[-1]
心得：利記爭緊標，唔搏就假
近5場往績：WWDWL
青蛙仔
睇德國波同埋英國波大，大個之後攻埋日本波，兼且對日本藝能界幾有研究。