已有一子莫鎬廉的洪欣，快將嫁給內地演員張丹峰。做了單親母親8年，洪欣也試過想向兒子講出其父親是誰，但懂性的兒子卻表示不欲知道，更說只會記得開心的事，令洪欣大感安慰。
洪欣即將與內地演員張丹峰結婚，婚前的一份工作竟是拍攝比堅尼性感照。最近她為其擔任代言人的凱詩美容拍了一輯比堅尼性感宣傳照片，她說未來老公很順得人，她做甚麼事都會支持，就是拍照當天他也在場，不是要監場，純粹是想爭取時間多陪她一分鐘。至於8歲兒子莫鎬廉，只會當媽媽穿了泳衣去沙灘游水，都是正常不過的事。
好驚有肚紋
未來老公想她婚後即生，兒子也想有個弟弟作伴，惟獨洪欣卻有顧慮，她說：「我生第一胎時冇肚紋，好驚再生會有肚紋，我好貪靚，要求好完美。」以為她擔心有了新孩子會分薄了張丹峰對莫鎬廉的愛，但洪欣從沒為此擔憂，她說：「佢唔會，同我個仔已經好有感情，而且過多幾年仔都大，有自己天地唔得閒理我哋啦。」洪欣表示未來老公很愛小朋友，希望最少也生3個小孩，但她只想多生一個與鎬廉作伴就夠。
莫鎬廉在單親家庭中長大，問洪欣有否親口向兒子交代父親及其身世的事？她說：「當初樣樣嘢都特別care小心佢每個感受，令我擔心嘅事從來冇出現過，試過有同學仔對佢講好多嘢，佢返到屋企有同我阿媽講番發生過乜事，但就叫婆婆唔好講番畀我知，只係唔想我唔開心。有時返內地做嘢去到公眾場所，小朋友坐唔定走開咗，試過有侍應好多口對我個仔係咁講（身世），又試過有茶客指住我個仔話呢個咪邊個邊個囉，講一大輪嘢，仔仔反而同我講：『佢哋好煩，唔使理佢哋。』」
唔想知太多
洪欣續說：「我試過捉住佢（兒子）想認真同佢講一次，我問你有乜想知有疑問嘅，點知個仔話唔想知太多，叫我唔使講，到有需要時會問，仲話佢OK，我好開心我個仔性格樂觀，只記住開心事。」
採訪：魯萍 攝影：仇志德
化妝：PhyllisKwok
服裝：GuessbyMarciano
飾物：Mipenna
場地：PrettyBeautySalon
