部份被隔離旅客噚日重獲自由，被困多日真係悶到癲，所以唔少人解除隔離令後第一時間去血拼，成個禮拜足不出戶，日日對住四幅牆，有幾凄凉難以想像，不過有人曉得苦中作樂，喺酒店入面都可以shopping。
知情人士稱，當局派畀維景旅客嘅禮物包好吃香，由於部份人隔離期滿後會即時離港，獲贈嘅迪士尼、海洋公園、昂坪360、八達通及電影贈券等得物無所用，但對其他繼續留港嘅人卻好實用，所以酒店內竟然出現一個「地下市場」，有人折扣出讓，亦可以物易物，總之各取所需，皆大歡喜。
八方問過部份旅客，大部份人都話會keep住啲禮物留念，冇咁易捨得畀人咁話。