恒指衝上萬七點，銀行、證券行又聚集大群股蟻，內地亦有個人日日實香港股市，不過佢唔係一般股民，而係前港澳辦主任魯平。
魯主任回歸後退休，家每朝6點起身，7點去打golf，下午4點半港股收市後，習慣一定上網睇睇恒指市況，但佢冇買港股，「恒生指數是香港經濟的晴雨表啊。」剛出版嘅《魯平口述香港回歸》唔只提及魯平現況，想當年先係戲肉，對於94年肥彭通過政改方案，拆毀「直通車」，魯平至今仍覺非常遺憾，似乎仲怪罪「千古罪人」。
新書又提及李柱銘預先睇過《聯合聲明》定稿後，大讚「我沒想到《聯合聲明》寫得這麼好。」最近睇埋曹二寶篇文，唔知馬丁覺唔覺得當時太儍太天真？