容祖兒昨日出席其代言護膚產品的續約記者會，並以性感露背裝出席。最近前港姐沈穎婷加盟英皇，被指陪伴老闆楊受成巡舖，祖兒即否認有此事，更稱不要把加盟一事牽連到花邊新聞。
容祖兒昨日與代言的護膚品續約一年，並於尖沙嘴舉行記者會，她穿上露背裝出場，十分搶眼。最近多次場合，祖兒只展示其白滑背部，並沒有穿低胸裝作進一步性感，她笑言：「我露前後分別不大，所以露後得喇！哈哈……而且背脊滑啲。」
工作靠實力
最近英皇有新人加入，經理人霍汶希（Mani）昨日承認身材豐滿的前港姐沈穎婷已成為旗下藝人，將會在電影方面發展並說：「佢係照一個正常途徑，經過試戲先入嚟。」祖兒則未知對方加入，她說：「我唔知道，我未見過佢。」有指沈穎婷成為新一代小花，能陪伴老闆楊受成巡店舖盡顯身價，作為公司一姐的祖兒強調沒有此事，並說：「其實影到一張半張相，咁又唔好牽連到呢啲新聞，佢只係返公司咁啱撞到楊生，所以先俾人影。」
此外，繼梁洛施早前力數英皇不是後，王傑與英皇的合約將滿，日前在台灣節目又斥Mani幼稚作緋聞谷歌手。祖兒力撐公司，並謂：「大家始終喺公司一齊共事，我身份唔應該講太多，佢將會離開公司，我都希望佢生活愉快。其實公司從來唔會逼我哋做唔鍾意嘅事，而且藝人唔能夠因為堆砌嘅新聞而成功，都要喺工作上進步先可長久。」
「打就企定」
Mani則不多作回應，只說：「作為經理人，我唔鍾意你一言我一語，希望佢（王傑）搵到適合嘅公司，事業再闖高峯。無論點我都唔會破壞藝人形象，總之打就企定。我唔係乜嘢人，唔會影響公司，所以冇乜所謂。」問到楊受成對此事有何看法，Mani說：「佢笑我囉！」
採訪：王連連
攝影：仇志德、陳慧安