出爐金像影后鮑起靜昨日和一班亞視藝員林韋辰、黎燕珊、黃愛瑤等，在西九龍中心出席「開心大發現2009媽咪真偉大」活動。鮑姐女兒早前由英國返港陪伴母親領取金像獎最佳女主角獎，她說：「個女已經返倫敦做嘢，母親節我自己都要返內地做嘢，前一日會同奶奶慶祝，好多時佢會話買嘢浪費，所以送禮物都要有技巧！」
黎燕珊踢走不良亞姐
女兒無法跟鮑姐慶祝，不過鮑姐仍然記得女兒疼錫自己，她說：「嗰年我個女話畀我知，英國有支去皺紋面霜好勁，於是佢去排咗幾轉，買咗三支寄畀我用。」
黎燕珊最近忙於重組「仁美清敍」，她說：「歷屆有好多亞姐都好幫手，我哋個會主要想教師妹保持形象。」對於曾敏早前偷竊罪成，會不會歡迎她加入，珊姐說：「都要同其他人開會先知，而我個人就覺得唔係咁適合。」
採訪、攝影：楊潔雯