今次港股升浪真係令不少「傳統智慧型」散戶大吃苦頭，大市升足一段直路之後，好多人都以為係時候要回氣。冇錯，係有回氣，但回氣完好快又再衝過，此款升勢當然開正好友嗰瓣，而之前唔敢入市的散戶，見個市升唔停，手上又冇貨，感覺就好似「無貨股災」。
二三線股近期接力炒上趨勢明顯，跟炒最緊要考慮自己的風險承受能力。公司Logo同中石油（857）好似的中亞能源（850），近年銳意進軍油田開採業務，公司早前洽購的北非突尼西亞油田，探油、採油工作進行得如火如荼。
目標睇0.3元
日前睇過某份石油業行內報告，一間名為StormVenturesInt'l（SVI）的石油企業，於中亞能源毗連的油田區塊發現有新的油井自噴，每日噴出逾230桶輕油，並已經LaSkhira碼頭銷售出國。
由於中亞能源在該國項目同處上述油田區塊，消息可能會惹來憧憬，有留意價值。伺機短炒一轉，目標0.30元，跌穿50日線0.204元止蝕。
方星俠