〈早飛2+5〉連炒兩口，當牛兄周中揀嘅FC山東打多對手一個，都可以輸0:1畀大阪飛腳，實在冇嘢好講，喺度要致歉先。今期最有心水嘅係西甲波，護級心切嘅貝迪斯周六到訪贏輸都冇所謂嘅畢爾包，2.35倍單W去馬。
雖然畢爾包今場有兩大中場耶斯迪同奧拜斯停賽復出，但據西班牙《馬卡報》所講，佢哋已將全副精神，擺晒落下周三對巴塞隆拿嘅西班牙盃決賽上。須知西班牙盃決賽係一場過淘汰制，嗰邊巴塞啱啱喺歐聯激戰完車路士，話唔埋畢爾包有機會偷雞成功，所以周六場聯賽一定唔會去盡。
格流少讓可贏些路迪
再講，畢爾包暫排聯賽11位，降班有排都未輪到佢哋。至於隊中首席射手、西班牙國腳洛蘭迪有傷在身，賽前已講定會留番西班牙盃決賽先上陣搏殺；加上中場古柏治、大衛盧比斯及加比朗度等主力全部因傷缺陣，點計畢爾包都冇贏波能力。
15位嘅貝迪斯就危險得多，因距離尾3嘅希杭只差3分，實行護級大過天。射手沙治奧加西亞因傷缺陣固然有影響，但係桑馬高美斯同麥克干沙利斯都可以傷癒復出，加埋奧利華拉及艾曼拿等攻擊球員壓陣，有權藉畢爾包志不在此而全取3分。
配腳玩吓蘇超榜首大戰，要格拉斯哥流浪主場贏些路迪，少讓平/半要撐。格流早排已有隊長巴利費格遜收「咧」，但係近期都造出5連勝；有基斯保迪同維利斯卡等大勇射手壓場，實力不下於對手。些路迪積分上領前格流1分，今場唔輸都對捧盃有優勢，何況獲選今季蘇超最佳球員嘅史葛布朗要停賽，後防主力麥馬奴斯又有傷好大機會缺陣，梗係捧主隊着數。文：畢傑
早飛王貼士
星期六34 畢爾包vs貝迪斯
首選：貝迪斯勝（2.35）
次選：貝迪斯「客/客」（3.8）
冷選：貝迪斯勝2:0（9）
早飛倉
主菜：星期六34貝迪斯勝（2.35）@1,700
渾水摸魚過關：星期六13格拉斯哥流浪（上）（2）x星期六34貝迪斯「客/客」（3.8）2x1@300
今日早飛價錢：-$2,000上日賺蝕：-$3,500
早飛倉結餘：$74,225
規則：$100,000本錢，每日買早報最多動用$5,000，
最少$1,000，逢周二、五見報。
周末焦點
星期六39 華倫西亞vs皇家馬德里
華倫西亞上周慘吞要護級的愛斯賓奴3蛋，但尚要力保前4歐聯資格，韋拿及桑馬達等主力俱可列陣。皇馬2:6大敗巴塞後，爭標機會變得渺茫，相信又是「大」戰一場。
星期日18 曼聯vs曼城
曼徹斯特市的打吡大戰。曼聯剛殺入歐聯決賽，士氣如虹，現可專注在聯賽爭佳績，望盡快拋離利物浦。曼城上季在奧脫福勝曼聯2:1，今季能否幫紅軍做隻攔路虎？
星期日36 阿仙奴vs車路士
兩軍同樣於周中歐聯出局，算是哀兵對碰。阿仙奴如能擊敗車路士，尚有機會取替對方的季席位置；而車仔則揚言要追趕次席利物浦，絕對是周日最矚目戲碼。