噚日恒指開市又係大裂口上升，雖然中段升幅曾經大為收窄，不過收市前又再挾高，恒指高收17217，成交增加到952億元。
成交咁暢旺本來可以吼吓港交所（388），但係隻股噚日嘅陰陽燭形態麻麻，都係等回試支持位先吼港交所C輪。
招行C輪15645：招行（3968）昨收15.74元，升1.54%，股價上個禮拜先喺100日線打底，今個禮拜升上20日線之後又再整固，技術指標已經有好大改善，可以諗吓隻C輪15645，博正股炒上18元。
隻輪現價33仙，2009年7月30日到期，行使價13元，溢價3.5%，引伸波幅64.4%，槓桿4.7倍（有效3.6倍），正股升上18元，15645睇51.7仙，有力翻半番，正股跌穿14.80元，就沽咗隻輪止蝕。
俊樺